BAKI, 8 noyabr - Sputnik. Türkiyə Prezidenti Rəcəb Tayyib Ərdoğan Qarabağ Zəfərinin 4-cü ildönümündə Azərbaycanın Zəfər Gününü təbrik edib.
Ərdoğan sosial media hesabındakı paylaşımında "Qarabağ zəfərinin 4-cü ildönümünü böyük ruh yüksəkliyi və qürurla qeyd edən əziz Azərbaycan xalqını ürəkdən təbrik etdiyini" bildirib.
Prezident Ərdoğan yazıb:
"Qardaşım Prezident İlham Əliyevin timsalında 44 günlük Vətən müharibəsini zəfərlə başa vuran Azərbaycan Silahlı Qüvvələrinin qəhrəman əsgərlərini ölkəm və millətim adından hörmətlə salamlayıram. Adlarını tarixə şərəflə yazdıran əziz şəhidlərimizi rəhmətlə yad edir, "ruhları şad olsun" deyirəm. Qarabağ səmasında ay-ulduzlu bayraq dalğalansın deyə canından keçən o qəhrəmanları ehtiramla yad edirik".