BAKI, 6 noyabr — Sputnik. Ukrayna münaqişəsinə bir gecədə son qoymaq mümkün deyil, lakin ABŞ onun başa çatmasını sürətləndirməyə kömək edə bilər. Bunu Rusiya prezidentinin mətbuat katibi Dmitri Peskov bildirib.
"Biz dəfələrlə demişik ki, Amerika Birləşmiş Ştatları Ukraynadakı münaqişənin sona çatmasına töhfə vermək iqtidarındadır. Bu, əlbəttə ki, bir gecədə edilə bilməz" - o, jurnalistlərə deyib.
Qeyd edək ki, Donald Tramp, uzun və gərgin mübarizə gözləntilərinə baxmayaraq, Vaşinqton vaxtı ilə səhər saat iki radələrində ABŞ prezident seçkilərinin qalibi elan edilib: nəticələri proqnozlaşdıran bir sıra aparıcı xəbər resurslarına görə, o, bütün əsas ştatlarda qalib gəlib. Tramp daha sonra Floridada tərəfdarları qarşısında çıxış edərək qələbəsini elan edib.
Əvvəllər Tramp dəfələrlə bəyan edib ki, yenidən seçiləcəyi təqdirdə, cəmi 24 saat ərzində Ukrayna münaqişəsinin həllinə nail olmaq niyyətindədir. Rusiya prezidentinin mətbuat katibi Dmitri Peskov Trampın bu sözlərini şərh edərkən qeyd edib ki, bu, belə sadə həll üçün çox mürəkkəb problemdir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.