BAKI, 6 noyabr - Sputnik. ABŞ-də prezidentliyinə namizəd Donald Tramp “tərəddüd edən” yeddi ştatın altısında liderdir.
“Report” xəbər verir ki, bu barədə aparıcı Amerika mediası məlumat yayıb.
“Fox News”un məlumatına görə, Corciya ştatında bülletenlərin 90%-nin hesablanmasının nəticələrinə əsasən Tramp 51,11% səslə öndədir, Demokratlar Partiyasının namizədi Kamala Harris isə 48,19% səs toplayıb.
Şimali Karolinada Tramp 50,77%, Harris isə 48,12%, Pensilvaniyada isə Tramp 50,72%, Harris isə 48,34% səs toplayıb. Miçiqan, Viskonsin və Arizona ştatlarında da Tramp rəqibini qabaqlayıb. Qeyd edək ki, “tərəddüd edən” ştatlar seçkinin nəticəsinə təsir göstərir.