BAKI, 5 noyabr — Sputnik. Səlahiyyət müddəti başa çatacaq Avropa Şurasının prezidenti Şarl Mişel gözləyir ki, Avropa İttifaqı gələcəkdə öz taleyini ABŞ seçkilərinin nəticələri ilə əlaqələndirməyəcək, əksinə, daha müstəqil şəkildə rol oynaya biləcək. Bu barədə Avropa Şurasının prezidenti yerli mediaya müsahibəsində deyib.
Mişel dbildirib ki, Aİ övladlarımın Avropa İttifaqından kənar seçkilərdə bu və ya digər namizədin qələbəsi nəticəsində onlar üçün hansı nəticələrin ola biləcəyi ilə maraqlanmadıqları bir siyasi layihə olmalıdır.
Eyni zamanda, o, əmin olduğunu bildirib ki, siyasi liderindən asılı olmayaraq, ABŞ-da cəmiyyət Avropa ilə sabit müttəfiqlik münasibətlərində maraqlıdır.
"Mənə elə gəlir ki, kimin prezident olmasından asılı olmayaraq - Tramp, Harris, Pierre, Paul və ya Jak, ABŞ cəmiyyəti, əgər sabitliyi qorumaq istəyirsə, güclü və etibarlı müttəfiq varsa, sabit ittifaqlarda maraqlıdırsa, o zaman bu Avropa Birliyidir", - o bildirib.
Bu gün ABŞ-da prezident seçkiləri keçirilir. Demokratlar Partiyasını vitse-prezident Kamala Harris, Respublikaçılar Partiyasını isə keçmiş prezident Donald Tramp təmsil edir.
Bundan əvvəl Aİ-də Respublikaçılar Partiyasının namizədi seçkilərdə qalib gələcəyi təqdirdə ABŞ-ın Avropada təhlükəsizlik məsələlərində rolunun azalacağı ilə bağlı narahatlıqlar ifadə olunub. Əvvəla, Aİ Vaşinqtondan Kiyevə hərbi və maliyyə yardımının kəskin azalmasından ehtiyat edir. Brüssel həmçinin narahatdır ki, Trampın hakimiyyətə gəlişi amerikalı siyasətçinin mümkün yeni proteksionist tədbirləri səbəbindən ABŞ və Aİ arasında ticarət və iqtisadi münasibətlərə mənfi təsir göstərə bilər.