RUSİYA

Medvedev: Vətənə səmimi məhəbbət Rusiyaya qalib gəlməyə kömək edəcək

Siyasətçi Rusiya xalqını Milli Birlik Günü münasibətilə də təbrik edib.
Sputnik
BAKI, 4 noyabr — Sputnik. Vətənə səmimi məhəbbət və əcdadlara hörmət Rusiyanın qələbə qazanmasına kömək edəcək.
Bunu Rusiya Federasiyası Təhlükəsizlik Şurası sədrinin müavini Dmitri Medvedev "Telegram" kanalda yazıb.
"Vətənə səmimi məhəbbət, əcdadlarımıza hörmət, onların şərəfli şücaətlərinə layiq olmaq istəyi bizə qalib gəlməyə kömək edəcək. Vətən naminə qalib gələk!" – siyasətçi qeyd edib.
Belə ki, Medvedev həmçinin nəşrinə "Minin və Pojarski" filmindən kadrlar əlavə edərək Rusiya xalqını Milli Birlik Günü münasibətilə də təbrik edib.
Bu yaxınlarda Beynəlxalq Kosmik Stansiyanın (BKS) göyərtəsində olan "Roskosmos" kosmonavtları rusiyalıları Milli Birlik Günü münasibətilə təbrik ediblər. Təbrikdə rusiyalı sınaq kosmonavtları Aleksey Ovçinin, Aleksandr Qorbunov və İvan Vaqner iştirak ediblər. "Roskosmos" proqramının iştirakçıları qeyd ediblər ki, Rusiya xalqı ölkə xalqının birliyi və ruhunun gücü sayəsində istənilən çətinliyin öhdəsindən gələ bilər.