BAKI, 1 noyabr - Sputnik. Qərb Rusiyanı strateji məğlubiyyətə uğratmaq planları kontekstində Qara dənizdə dəniz gücü rolunu azaltmaq niyyətindədir.
Bu barədə Rusiya Federasiyası Prezidentinin köməkçisi, Rusiya Federasiyasının Dəniz Komissiyasının sədri Nikolay Patruşev bildirib.
“Rusiyanın Qara dəniz regionunda dəniz gücü kimi rolunun azaldılması dost olmayan Qərb dövlətlərinin ölkəmizə strateji məğlubiyyətə uğratmağa yönəlmiş siyasəti kontekstində fəaliyyət istiqamətlərindən biridir”, - Patruşev Krımda gəmiqayırma məsələləri ilə bağlı iclasda çıxış edərkən bildirib.
Prezidentinin köməkçisi onu da bildirib ki, ABŞ və onun NATO müttəfiqləri bu məqsədlə Avropanın daxili su yollarından istifadə edərək, hərbi məqsədlər üçün Dunay vasitəsilə Qara dənizə çıxış əldə etmək istəyirlər.
Patruşev hesab edir ki, Vaşinqton və onun müttəfiqləri “bütün gücləri ilə Dünya Okeanı da daxil olmaqla, hökmranlıqlarını qorumağa çalışırlar.
"NATO “Qara dənizdəki hərbi-dəniz mövcudluğunu genişləndirmək, Montrö Konvensiyası ilə müəyyən edilmiş Qara dəniz boğazlarının rejimini dəyişdirmək, Dunay vasitəsilə Qara dənizə çıxış üçün Avropanın daxili su yollarından hərbi məqsədlər üçün istifadə etmək” planlarını həyata keçirir”, - Dəniz Komissiyasının sədri qeyd edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.