BAKI, 29 oktyabr — Sputnik. "Bakı Kənar Dairəvi avtomobil yolu nəqliyyat vasitələrinin rahat və təhlükəsiz hərəkəti üçün açıqdır. Havaların yağıntılı keçməsi ilə əlaqədar oktyabrın 28-də saat 16:00 radələrində Bakı Kənar Dairəvi avtomobil yolunun 6-cı kilometrliyində qeydə alınıb".
Bunu Sputnik Azərbaycan-a açıqlamasında Baş Dövlət Yol Polisi İdarəsinin inspektoru, polis leytenantı Elvin Hacıyev söyləyib. O, bildirib ki, baş verən sürüşmə hazırda yolda hərəkət üçün təhlükə yaratmır.
"Baş Dövlət Yol Polisi İdarəsinin Ekoloji Nəzarət üzrə YPX Bölüyünün əməkdaşları və eləcə də aidiyyəti qurumların əməkdaşları ilə birlikdə ərazidə lazımi tədbirləri görürlər. Həmin istiqamətdə sürücülərin təhlükəsizliyi tam şəkildə təmin edilib", - deyə E.Hacıyev bildirib.
Qeyd edək ki, hadisə dünən saat 16 radələrində Bakı Kənar Dairəvi avtomobil yolunun 6-cı kilometrliyində qeydə alınıb. Hadisə zamanı Qaradağ rayonu, Lökbatan yolu ərazisində qaya parçaları qırılaraq yolun hərəkət hissəsinə uçub. Yolda nəqliyyat vasitələrinin hərəkəti məhdudlaşdırılıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.