Gürcüstanda parlament seçkilərində səssayma başa çatıb: “Gürcü Arzusu” qalib gəlib

BAKI, 27 oktyabr — Sputnik. Gürcüstanda parlament seçkilərində səslərin sayılması prosesi başa çatıb.

Bu barədə ölkənin Mərkəzi Seçki Komissiyası (MSK) məlumat yayıb.

Qeyd edilir ki, 3 111 məntəqədən 3 110-nun bülletenlərinin nəticələrinə əsasən hakim “Gürcü Arzusu” Partiyası 53,92 % səs toplayıb.

Dörd müxalifət partiyası cəmi 37,78 % səs yığa bilib. Onlardan “Dəyişiklik Koalisiyası” 11,04 %, ”Vahidlik – Milli Hərəkat” 10,16 %, ”Güclü Gürcüstan” 8,81 %, ”Qaxariya - Gürcüstan naminə” Partiyası isə 7,77 % səs yığıb.

Marneulidəki 69 saylı məntəqədə kütləvi bülleten atılması hadisəsi baş verdiyi üçün səsvermənin nəticələri ləğv edilib.

Gürcüstan Mərkəzi Seçki Komissiyasının saytında verilən məlumata görə, hakim "Gürcü Arzusu" Partiyası parlament seçkilərində bülletenlərin 69,94%-nin işlənməsinin nəticələrinə əsasən 52,98% səs qazanıb.

Şənbə günü seçicilər Gürcüstan parlamentinə 150 ​​deputat seçiblər.

Mandatlar faktiki səslərin ən azı 5%-ni toplayan partiyalar arasında bölüşdürüləcək.

921 067 seçici “Gürcü arzusu”na (“Gürcü arzusu”, “Xalqın gücü”) səs verib ki, bu da ümumi səslərin 52,98%-ni təşkil edib.

Digər partiyaların qazandığı rəsmi səslər belədir:

"Dəyişiklik üçün Koalisiya" ("Axali", "Girçi - daha çox azadlıq", "Droa") - 11,99% (194 662)

“Birlik – Milli Hərəkat” (“Vahid Milli Hərəkat”, “Aqmaşenebeli Strategiyası”, “Avropa Gürcüstanı”) – 9,08% (170 442)

“Güclü Gürcüstan” (“Gürcüstan üçün Lelo”, “Xalq üçün”, “Azadlıq Meydanı”, “Vətəndaşlar”) - 9,04% (157 143)

“Gürcüstan üçün” – 8,24% (143 289)

Qalan partiyalar 5%-lik baryeri keçə bilməyiblər.

Parlament seçkilərində 18 seçki subyekti iştirak edib. İlk dəfə seçkilər yalnız proporsional sistem üzrə (partiya siyahıları əsasında) və geniş miqyasda elektron texnologiyalardan - səslərin yoxlanılması və hesablanması aparatlarından istifadə etməklə keçirilib.

***

Gürcüstanda parlament seçkilərində səsvermə başa çatıb - seçicilərə 18 seçki subyekti arasında seçim hüququ verilib.

Sputnik Gürcüsta-ın məlumatına görə, seçki məntəqələri qrafikə uyğun olaraq saat 08:00-da açılıb, saat 20:00-da bağlanıb.

Gün ərzində Tbilisinin Qldani və İsani rayonlarında, Zuqdidi şəhərində (Sameqrelo bölgəsi), Qori şəhərində (Şida Kartli bölgəsi) və Dmanisi rayonunun Kizilaclo kəndindəki (Kvemo Kartli bölgəsi) seçki məntəqələrində dava halları qeydə alınıb.

Bundan əlavə, Marneuli rayonunun Sadaxlo kəndində (Kvemo Kartli bölgəsi) bülletenlərin nümayişkaranə şəkildə qutuya atılması ilə bağlı insident baş verib. Daxili İşlər Nazirliyi “Seçkilərin saxtalaşdırılması” maddəsi ilə cinayət işi açıb.

Hakim “Gürcü Arzusu” partiyasının nümayəndələri seçkilərdə qalib gələnlərin onlar olduğunu və buna görə də müxalifətin təxribatlar təşkil etdiyini, müxalifət isə buna cavab olaraq hakim partiyanın ümidsizlikdən zorakılığa üz tutduğunu bildirib.

Daha bir insident keçmiş hakim Vahid Milli Hərəkat Partiyasının Tbilisinin kənarındakı mərkəzi ofisində baş verib. Mətbuatda yayılan məlumata görə, on nəfərə yaxın bir qrup aqressiv gənc partiyanın ofisinin ərazisinə gələrək oradakı insanları təhqir etməyə başlayıb.

Şifahi mübahisə davaya çevrilib. Polis gələnə qədər onlar gəldikləri avtomobillərə minərək ərazidən uzaqlaşıblar. Maşınlardan birinin pəncərəsindən “Gürcü arzusu”nun bayrağı dalğalanıb.

Gürcüstanda ilk dəfə parlament seçkiləri yalnız proporsional sistem üzrə (partiya siyahıları əsasında) və geniş miqyasda elektron texnologiyalardan - səslərin yoxlanılması və hesablanması aparatlarından istifadə etməklə keçirilib.

Gürcüstanda səsvermə üçün 3044 seçki məntəqəsi açılıb. Daha 67 məntəqə xaricdə - 42 ölkənin 53 şəhərində açılıb. Seçicilərin ümumi sayı 3 milyon 508 min 294 nəfərdir.

Müxalif Formula telekanalının sifarişi ilə keçirilən ekzit-poll nəticələrinə görə, Gürcüstan parlament seçkilərində müxalifət kollektiv şəkildə səs çoxluğunu toplayır. Nəticələr belədir:

“Gürcü arzusu” (“Gürcü arzusu”, “Xalqın gücü”) – 40,9% ,

"Birlik - milli hərəkat" ("Vahid Milli Hərəkat", "Aqmaşenebeli Strategiyası", "Avropa Gürcüstanı") - 16,7%

“Dəyişiklik Koalisiyası” (“Axali”, “Girçi – daha çox azadlıq”, “Droa”) – 16,7%

“Güclü Gürcüstan” (“Gürcüstan üçün Lelo”, “Xalq üçün”, “Azadlıq Meydanı”, “Vətəndaşlar”) – 10,3%

“Gürcüstan üçün” – 8,2%

“İmedi” telekanalının keçirdiyi “exit-poll”un nəticələrinə görə, hakim “Gürcü arzusu – Demokratik Gürcüstan” partiyası 56,1% səs toplayıb və bununla da parlament seçkilərində qalib gəlib.

"İmedi" izah edir ki, bu, saat 18:30-a olan məlumatdır və partiyaların qazandığı səslər belədir:

“Gürcü arzusu” (“Gürcü arzusu”, “Xalqın gücü”) – 56,1%

“Dəyişiklik Koalisiyası” (“Axali”, “Girçi – daha çox azadlıq”, “Droa”) – 12,6%

"Birlik - milli hərəkat" ("Vahid Milli Hərəkat", "Aqmaşenebeli Strategiyası", "Avropa Gürcüstanı") - 11,6%

“Güclü Gürcüstan” (“Gürcüstan üçün Lelo”, “Xalq üçün”, “Azadlıq Meydanı”, “Vətəndaşlar”) – 7%.

Müxalif “Mtavari Arxi” telekanalının ekzit-pollunun nəticələrinə görə, seçkilər nəticəsində hakim “Gürcü arzusu – Demokratik Gürcüstan” (“Gürcü arzusu”, “Xalqın gücü”) partiyası səslərin 42%-ni toplayıb. Müxalifət partiyalarının isə 48% səsi var. Müxalifət arasında səslər aşağıdakı kimi bölünüb:

“Dəyişiklik Koalisiyası” (“Axali”, “Girçi – daha çox azadlıq”, “Droa”) – 18%

"Birlik - milli hərəkat" ("Vahid Milli Hərəkat", "Aqmaşenebeli Strategiyası", "Avropa Gürcüstanı") - 13%

“Güclü Gürcüstan” (“Gürcüstan üçün Lelo”, “Xalq üçün”, “Azadlıq Meydanı”, “Vətəndaşlar”) – 9%

“Gürcüstan üçün” – 8%.

Şənbə günü seçicilər Gürcüstan parlamentinə 150 ​​deputat seçiblər. Mandatlar faktiki səslərin ən azı 5%-ni toplayan partiyalar arasında bölüşdürüləcək.

Rusiya Moldova və Gürcüstandakı seçki proseslərinə təsir göstərməyə çalışmır və çətin ki, təsir edə bilsin. Bunu Rusiya prezidentinin mətbuat katibi Dmitri Peskov bildirib.

Rusiya prezidentinin mətbuat katibinin fikrincə, Qərb Tbilisinin qolunu burmağa və şərtlərini diktə etməyə çalışır, qürurlu Gürcüstan xalqının bu cür ultimatumlara necə dözdüyünü təsəvvür etmək çətindir.

Gürcüstanda parlament seçkiləri oktyabrın 26-da proporsional sistemlə keçiriləcək. Parlamentə daxil olmaq üçün partiyalar 5 faizlik baryeri keçməlidir.

Ən çox səs toplayan partiya baş nazirliyə namizəd irəli sürə biləcək. Hökumət başçısını və onun kabinet tərkibini təsdiq etmək üçün 150 deputatdan 76-nın dəstəyi lazımdır.