BAKI, 26 oktyabr — Sputnik. Oktyabrın 26-da bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Oktyabrın 26-da kimlər anadan olub?
Qurban Abasov (1926-1994) - Sovet və Azərbaycan neftçisi, SSRİ-nin fəxri neftçisi, Azərbaycan SSR əməkdar mühəndisidir. O, 4 dəfə SSRİ Ali Sovetinin və 4 dəfə Azərbaycan SSR Ali Sovetinin deputatı seçilib.
Qurban Abasov
© Photo : Public domain
Boris Smirnov (1908-1982) - Sovet və Rusiya teatr və kino aktyoru, SSRİ xalq artistidir. O, "İyulun altısı", "Gəmi komandiri" və s. filmlərdə rol alıb.
Boris Smirnov
© Sputnik / Борис Рябинин
Ceki Kuqan (1914-1984) - ABŞ kinoaktyorudur. O, kino tarixinə ilk uşaq-kinoulduzu kimi daxil olub. Kiçik yaşlarından atası ilə birlikdə səhnəyə çıxıb və səssiz filmlərdə rol alıb. Aktyor Çarli Çaplinlə əməkdaşlıq edib.
İqor Maslennikov (1931–2022) - Sovet və Rusiya kinorejissoru, RSFSR xalq artistidir. O, "Şerlok Holms və Doktor Vatsonun macəraları" və "Qış albalısı" film seriyalarının yaradıcısıdır.
Andrey Qusev (1958) - Sovet və Rusiya teatr və kino aktyorudur. O, ilk dəfə yeniyetmə ikən ekranda görünüb. Aktyor "Qorxusuz ataman", "Avtomobil, skripka və Klyaksa adlı köpək" və s. filmlərdə rol alıb.
26 oktyabr tarixində dünyada baş verən tarixi hadisələr
1492-ci ildə Böyük Britaniyanın Kembric şəhərində qrifelli karandaş icad edilib.
1861-ci ildə alman ixtiraçısı Filip Reys Frankfurtda telefon adlandırdığı ixtirasını nümayiş etdirib.
1863-cü ildə Londonda dünyanın ilk futbol strukturu olan Futbol Assosiasiyası (FA - The Football Association) yaradılıb.
1900-cü ildə Nyu-Yorkda metropolitenin ilk xətti açılıb. 1938-ci ildə ABŞ-ın "DuPont" kimya şirkəti yeni sintetik material - neylon hazırlayıb.
2006-cı ildən Azərbaycanda bu meyvələrin yığılmasına həsr olunan nar bayramı qeyd olunur.
2020-ci ildə İkinci Qarabağ müharibəsi zamanı Azərbaycan ordusu Zəngilan rayonunun Birinci Alıbəyli, İkinci Alıbəyli, Rebənd, Yenikənd kəndlərini, Cəbrayıl rayonunun Qovşudlu, Sofulu, Dağ Maşanlı, Kürdlər, Hovuslu, Çələbilər kəndlərini və Qubadlı rayonunun Padar, Əfəndilər, Yusifbəyli, Çaytumas, Xanlıq, Sarıyataq, Mollabürhan kəndlərini erməni işğalından azad edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.