BAKI, 25 oktyabr — Sputnik. KXDR BRİKS-in işini diqqətlə izləyir və birləşməni beynəlxalq həyatın fenomeni kimi araşdırır. Bunu Rusiya Federasiyası xarici işlər nazirinin müavini Sergey Ryabkov bildirib.
"Biz Pxenyandakı dostların bu assosiasiyanın fəaliyyətini izlədikləri diqqəti hiss edirik", - Ryabkov "Rossiya Seqodnya" media qrupunun təşkil etdiyi mətbuat konfransında deyib.
Rusiya xarici işlər nazirinin müavini onu da qeyd edib ki, RF ilə KXDR arasında müqavilənin hərbi yardım müddəası yalnız tərəflərdən birinə təcavüz olduğu halda qüvvəyə minir.
Sergey Ryabkov
© MAXIM SHEMETOV / POOL / AFP
"Yalnız bu müqavilənin tərəflərindən hər hansı birinə təcavüz olarsa, hərbi yardım haqqında müddəa işə salınır. Yəni KXDR-ə qarşı təcavüz yoxdursa, o zaman bu müqavilənin müvafiq müddəaları tərtib olunduğu və kağız üzərində yazıldığı kimi qalır. Bu, hamı üçün çəkindirici siqnaldır", – Ryabkov mətbuat konfransında bildirib.
"Müqavilədə yazılanlardan kənarda olan qarşılıqlı yardım parametrləri ictimai müzakirə mövzusu deyil", - o əlavə edib.
Bundan əvvəl Rusiyanın KXDR ilə əlaqələri inkişaf etdirdiyi barədə məlumat verilmişdi.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.