BAKI, 25 oktyabr — Sputnik. Ankara danışıqlar prosesinə mane olmamaq üçün Ukraynadakı münaqişənin həlli ilə bağlı təkliflərin təfərrüatlarını açıqlamır. Bunu Türkiyə paytaxtındakı diplomatik mənbə "RİA Novosti"yə bildirib.
Rusiya dövlət başçısı Vladimir Putinin dediyi kimi, Türkiyə lideri Rəcəb Tayyib Ərdoğan Kazanda keçirdiyi görüşdə Ukrayna böhranı, o cümlədən Qara dənizdə gəmiçiliklə bağlı təşəbbüslər təklif edib.
Putinin sözlərinə görə, türk tərəfdaşları artıq dəfələrlə Rusiya Federasiyasına, onların dediyi kimi, Ukrayna tərəfdən danışıqlar təklifləri ilə müraciət ediblər. Lakin Rusiya Ukraynadakı münaqişə ilə bağlı təşəbbüslərə baxmağa razı olanda, Kiyev onlardan imtina edir.
"Bu, iki dəfə baş verib", - Rusiya prezidenti vurğulayıb.
"Danışıqların təfərrüatları prosesə xələl gətirməmək üçün açıqlanmır. Başqa şərhə ehtiyac yoxdur", - agentliyin həmsöhbəti Ankaranın Ukraynadakı münaqişəni həll etmək üçün hansı təkliflər paketinə sahib olduğunu soruşduqda bəyan edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.