BAKI, 24 oktyabr — Sputnik. Rusiya Federasiyasının strateji məğlubiyyətinə nail olmaq istəyənlərin hesablamaları, sadəcə, illüziyadır.
Bunu Rusiya Prezidenti Vladimir Putin BRİKS sammitinin plenar iclasında "autriç"/"BRİKS plus" formatında çıxışı zamanı bildirib.
Prezidentin sözlərinə görə, Qərb artıq bu cür hesablamaları gizlətməyə ehtiyac görmür.
"Birbaşa olaraq deyim ki, bunlar yalnız Rusiyanın tarixini bilməyənlərin edə biləcəyi illüziya hesablamalardır", - dövlət başçısı söyləyib.
O bildirib ki, Rusiya Federasiyasının məğlub olmasını istəyənlər onun xalqının əsrlər boyu formalaşmış möhkəmliyini və birliyini yada salmalıdırlar.
Xatırladaq ki, ABŞ-ın keçmiş Prezidenti Donald Tramp Rusiyanı Napoleonu və Hitleri məğlub edən "hərbi maşın" adlandırıb.