BAKI, 24 oktyabr — Sputnik. Ermənistanın baş naziri Nikol Paşinyan İran prezidenti Məsud Pezeşkianla görüşüb. Bu barədə IRNA xəbər verir.
Görüş Kazanda BRİKS sammiti çərçivəsində baş tutub. Digər təfərrüatlar açıqlanmayıb.
Xatırladaq ki, Paşinyan Rusiya prezidenti Vladimir Putinin dəvəti ilə Kazanda bir günlük işgüzar səfərdədir. Paşinyan sammitin yekun gününün tədbirlərində iştirak edəcək.
BRİKS sammiti oktyabrın 22-dən 24-dək Kazanda keçiriləcək.
BRİKS 2006-cı ildə yaradılmış dövlətlərarası birlikdir. Rusiya 2024-cü il yanvarın 1-dən BRİKS-ə sədrliyi qəbul edib. İl assosiasiyaya yeni üzvlərin qoşulması ilə başlayıb. Rusiya Federasiyası, Braziliya, Hindistan, Çin və Cənubi Afrikadan başqa, indi onun tərkibinə Misir, Efiopiya, İran, BƏƏ və Səudiyyə Ərəbistanı daxildir. Rusiyanın BRİKS-ə sədrliyi ədalətli qlobal inkişaf və təhlükəsizlik üçün çoxtərəfliliyin gücləndirilməsi şüarı altında keçirilir. Rusiya Federasiyası sədrliyi çərçivəsində 200-dən çox siyasi, iqtisadi və sosial tədbir təşkil edir.