Tarixdə bu gün: 19 oktyabr – FOTO

BAKI, 19 oktyabr — Sputnik. Oktyabrın 19-da bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.

Səmra Rəhimli (1994) - Azərbaycan müğənnisidir. O, 2016-cı ildə Stokholmda keçirilən "Avroviziya-2016"da Azərbaycanı "Miracle" mahnısı ilə təmsil edib və 17-ci yeri tutub. Müğənni iki vokal layihəsinin - "O Səs Türkiyə" və "Səs Azərbaycan"nın iştirakçısıdır.

Ogüst Lümyer (1862-1954) - kinematoqrafiyanın banilərindən biri, Fransa kino sənayesinin və kino rejissorluğunun banisidir. Ona hər şeydə kiçik qardaşı Lui Lümyer kömək edib.

Veronika Kastro (1952) - meksikalı aktrisa, müğənni və televiziya aparıcısıdır. O, Rusiyada və MDB ölkələrində "Varlılar da ağlayır" və "Yabanı qızıl gül" seriallarında baş rolları ilə tanınır.

Evander Holifild (1962) - amerikalı boksçudur. O, 81 kq çəki dərəcəsində Pan Amerika Oyunlarının gümüş mükafatçısıdır (1981). Boksçu eyni çəki dərəcəsində XXIII Olimpiya Oyunlarının bürünc mükafatçısıdır (1984) və Beynəlxalq Boks Şöhrət Zalının üzvüdür (2017).

1864-cü ildə rusiyalı ixtiraçısı Nikolay Teleşov pulsasiya edən hava-reaktiv mühərriki olan təyyarənin layihəsinə patent alıb.

1920-ci ildə Qorki adına Ural Dövlət Universiteti yaradılıb.

1941-ci ildə ABŞ-da streptomisin antibiotiki kəşf edilib.

1988-ci ildə Ka-126 qaz turbin mühərriki ilə Sovet çoxməqsədli helikopterinin ilk uçuşu baş tutub.

2020-ci ildə İkinci Qarabağ müharibəsi zamanı Azərbaycan ordusu Cəbrayıl rayonunun Soltanlı, Əmirvarlı, Maşanlı, Həsənli, Əlikeyxanlı, Qumlaq, Hacılı, Göyərçinveysəlli, Niyazqullar, Keçəl Məmmədli, Şahvəlli, Hacı İsmayıllı, İsaqlı kəndlərini işğaldan azad edib. Düşmənin Ağdam rayonunda mülki əhalini atəşə tutması nəticəsində biri Azərbaycan televiziyasının əməkdaşı olmaqla 3 nəfər yaralanıb.