BAKI, 18 oktyabr - Sputnik. Avropa diplomatiyasının rəhbəri Josep Borrell BMT-nin İsrail hökuməti tərəfindən "bütün cəbhələrdə" hücuma məruz qaldığını bildirib. Nümunə kimi o xatırladıb ki, oktyabrın əvvəlində İsrail Knesseti BMT-nin Fələstinli Qaçqınlara Yardım və İşlər üzrə Agentliyinin (UNRWA) fəaliyyətini qadağan edən qanun layihəsini təsdiqləyib.
"BMT-nin Baş Katibi antisemit kimi qəbul edilir, UNRWA terrorçu kimi qəbul edilir, bütün BMT sistemi hücuma məruz qalır", Borrell deyib.
Oktyabrın 2-də İsrail Xarici İşlər Nazirliyi Antonio Quterreşi persona non-qrata elan edərək, ölkəyə girişini qadağan edib. Qərar, Quterreşin İranın raket hücumunu birmənalı şəkildə pisləməməsi ilə izah edilib. Josep Borrell həmçinin ümid etdiyini bildirib ki, Aİ Şurası sammit zamanı İsrail hərbçilərinin Livandakı Müvəqqəti Qüvvələrin bazasına (UNIFIL) hücumunu pisləyəcək.
BMT sülhməramlılarının məlumatına görə, oktyabrın 13-də İsrail ordusu onların qərargahını tankdan atəşə tutub. İsrail Xarici İşlər Nazirliyi hadisəni xəta adlandırıb. İsrailin baş naziri Benyamin Netanyahu Livan Hizbullahının UNIFIL-in arxasında gizləndiyini və sülhməramlılardan qalxanı kimi istifadə etdiyini bildirib.
07.09.24, 21:15
İsrail Borrelin ölkəyə səfərinə “yox” deyib
İsrail bu ölkəyə səfər etmək istəyən Avropa İttifaqının (Aİ) xarici siyasət və təhlükəsizlik məsələləri üzrə ali nümayəndəsi Cozep Borrellə rədd cavabı verib.
APA xəbər verir ki, vəzifədən getməyə hazırlaşan Borrel səfəri 14-15 sentyabr tarixlərində gerçəkləşdirməyə hazırlaşıb.
Lakin İsrailin Qəzzadakı fəaliyyətini sərt tənqid etdiyinə görə ali nümayəndə bu ölkədə arzuolunmaz şəxs hesab edilərək rədd cavabı alıb.