BAKI, 10 oktyabr — Sputnik. Ukrayna vasitəsilə Avropaya qaz nəqli üçün Rusiya ilə Azərbaycan arasında svop əməliyyatları müzakirə edilmir, belə təkliflər yoxdur. Bunu Rusiya baş nazirinin müavini Aleksandr Novak bildirib.
Rusiyanın Ukrayna ərazisindən qaz tranzitini davam etdirmək üçün Azərbaycanla svop qaz nəqlinə hazır olub-olmaması ilə bağlı sualı cavablandıran Novak deyib: "Birincisi, bu, müzakirə olunmur, ikincisi, hesab etmirəm ki, qaz nəqli infrastrukturu bunun üçün yaradılıb".
Rusiya baş nazirinin müavini Aleksandr Novak jurnalistlərə bildirib ki, Aİ ölkələri 2024-cü ildən sonra da Ukrayna vasitəsilə Rusiya qazını almağa davam etmək arzusundadırlar, lakin hələlik konkret hərəkət və ya sənəd yoxdur.
"Biz dəfələrlə öz mövqeyimizi bildirmişik ki, top bizim tərəfdaşlarımızın - Ukraynadan olan alıcıların və həmkarların meydanındadır. Rusiya qazının istehlakçılarını və Ukrayna qaz nəqli sisteminin sahibi ilə müqavilələri hüquqi qeydiyyata almaq üçün maraq doğuran məsələlər həll edilməlidir", Novak Rusiya qazının Ukrayna ərazisindən Avropaya tranzitinin davam etdirilməsi imkanlarını şərh edərkən bildirib.
"Bunun hüquqi hərəkətlər və ya sənədlərlə nəticələnməsi istəyi ilə bağlı müəyyən təkliflər var", Novak əlavə edib.
Rusiya qazının Ukrayna ərazisindən keçməklə Avropaya tranzitinə dair hazırkı müqavilənin müddəti 2024-cü ilin sonunda başa çatır.
Digər maraqlı xəbərləri həmçinin Sputnik Azərbaycan-ın Teleqram kanalından izləyin