BAKI, 10 oktyabr - Sputnik. Rusiya Federasiyası Ticarət-Sənaye Palatasının təşkilatçılığı ilə spirtli içkilərin etiketlənməsi ilə bağlı dəyirmi masa keçirilib. Masada Avrasiya İqtisadi Komissiyasının (AİK) gömrük əməkdaşlığı üzrə naziri Ruslan Davıdov AEK tərəfindən həyata keçirilən işlərdən danışıb. O qeyd edib ki, səlahiyyətli iqtisadi operatorlar üçün xüsusi sadələşdirmələrin tətbiqi imkanları genişləndiriləcək. Bu barədə 24KG xəbər verir.
Davıdov qeyd edib ki, sentyabr ayında komissiya xarici iqtisadi fəaliyyətin ən etibarlı iştirakçıları - səlahiyyətli iqtisadi operatorlar üçün spirtli içkilərin idxalı zamanı sadələşdirmələrdən istifadəyə qoyulmuş qadağanı ləğv edib. Qadağa bu kateqoriya mallarla bağlı yüksək risklər səbəbindən 10 ildən artıq müddət ərzində qüvvədə idi.
"Bu sadələşdirmə biznes xərclərinin əhəmiyyətli dərəcədə azalmasına səbəb olacaq, Avarasiya İiqtisadi İttifaqı (Aİİ) ölkələrinin büdcə gəlirlərinin artmasına, eləcə də sahibkarlıq fəaliyyətinin inkişafına kömək edəcək" - Davıdov deyib.
Onun sözlərinə görə, Aİİ fəal şəkildə inkişaf edir, assosiasiyanın mövcud olduğu on il ərzində xarici ticarət fəaliyyətini xarakterizə edən göstəricilər orta hesabla 50-60% artıb. Eyni zamanda, Aİİ ölkələrinin xarici ticarətinin Qərbdən Şərqə və Cənuba qlobal tərsinə çevrilməsi birliyin sürətli inkişafı üçün yeni imkanlar yaradır.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.