RUSİYA

Narışkin MDB-nin kəşfiyyat xidmətlərinə çağırış edib

Narışkinin sözlərinə görə, cinayətkar planların vaxtında qarşısını almaq üçün beynəlxalq terror təşkilatlarının fəaliyyətinin müasir forma və üsullarını aşkar etmək üçün birgə işi gücləndirmək lazımdır.
Sputnik
BAKI, 7 oktyabr — Sputnik. MDB ölkələrinin kəşfiyyat xidmətləri prioritet məsələ kimi kollektiv Qərbin və Kiyev rejiminin Birlik ölkələrinə qarşı terror planları barədə məlumat mübadiləsi aparmalıdır. Bunu Rusiya Federasiyası Xarici Kəşfiyyat Xidmətinin direktoru Sergey Narışkin bildirib.
Narışkin deyib ki, indiki şəraitdə MDB ölkələrinin təhlükəsizlik orqanları ilə kəşfiyyat xidmətləri arasında əməkdaşlığın dərinləşdirilməsi xüsusi aktuallıq kəsb edir.
"Eyni zamanda, biz hesab edirik ki, prioritet məsələ kimi, ilk növbədə, terrorçuların istəkləri problemi ilə bağlı informasiya mübadiləsinin intensivləşdirilməsi və sistematik əsaslara salınması məqsədəuyğun olardı", - Xarici Kəşfiyyat Xidmətinin direktoru bildirib.
Narışkinin sözlərinə görə, cinayətkar planların vaxtında qarşısını almaq üçün beynəlxalq terror təşkilatlarının fəaliyyətinin müasir forma və üsullarını aşkar etmək üçün birgə işi gücləndirmək lazımdır.