BAKI, 4 oktyabr — Sputnik. Rusiya Federasiyası Federal Təhlükəsizlik Xidmətinin (FTX) direktoru Aleksandr Bortnikov NATO qoşunlarının Ukrayna Silahlı Qüvvələrinin əməliyyatlarına cəlb olunduğunu elan edərək, onların bütün döyüş təmas xətti boyunca Ukrayna hərbçilərinin təlimində fəal iştirak etdiklərini qeyd edib.
Bu barədə o, Astanada Müstəqil Dövlətlər Birliyinə üzv dövlətlərin təhlükəsizlik orqanları və xüsusi xidmətlər Rəhbərləri Şurasının 55-ci iclasında bildirib.
"Qərbin hərbi əməliyyatların intensivliyinin artırılması məqsədi NATO-nun Kiyevə uzaqmənzilli raket silahlarından istifadəyə icazə verməsi və NATO ölkələrinin hərbi personalının Ukrayna Silahlı Qüvvələrinin əməliyyatlarının planlaşdırılması və hazırlanmasında birbaşa iştirakı ilə nümayiş etdirilir" - Bortnikov söyləyib.
O əlavə edib ki, Şimali Atlantika Alyansının nümayəndələri döyüş əməliyyatlarının bütün istiqamətlərində Ukrayna qoşunlarının əməliyyatlarını inkişaf etdirməklə məşğuldurlar.
Rusiya FXB rəhbəri, həmçinin vurğulayıb ki, blokun münaqişə vəziyyətini gərginləşdirməyə hazır olması "NATO-nun öz kontingentini Ukraynaya göndərmək niyyəti" ilə nümayiş etdirilir.
Bortnikov daha əvvəl Ukrayna Silahlı Qüvvələrinin beynəlxalq legionunun sayının 18 min nəfərə çatdığını bildirmişdi.