BAKI, 4 oktyabr — Sputnik. Qərb paytaxtlarının əksəriyyəti Rusiya Prezidenti Vladimir Putinin ölkənin nüvə doktrinasına dəyişikliklərlə bağlı bəyanatını eşidib.
Bunu Rusiya Xarici Kəşfiyyat Xidmətinin rəhbəri Sergey Narışkin bildirib.
"RİA Novosti"nin suallarını cavablandıran Narışkin qeyd edib ki, "Rusiya Federasiyasının Xarici Kəşfiyyat Xidmətinin hazırda aldığı məlumatlara görə, nüvə çəkindirməsi ilə bağlı xəbərdarlıq Qərb paytaxtlarının əksəriyyəti tərəfindən eşidilib".
O xatırladıb ki, iki həftə əvvəl Rusiya Federasiyasının prezidenti ilə dar çərçivədə keçirilən görüşdə nüvə silahının qarşısının alınması sahəsində Rusiya Federasiyasının dövlət siyasətinə əlavə və dəyişikliklər müzakirə olunub.
"Bu görüş zamanı Qərbə ciddi və aydın xəbərdarlıq edilib. Səslənən və yenilənmiş nüvə doktrinasına daxil ediləcək əsas tezis ondan ibarətdir ki, bundan sonra Rusiya Federasiyasına təcavüz etmiş, lakin nüvə ölkəsinin dəstəyi və ya onunla birgə hər hansı qeyri-nüvə dövləti Moskva tərəfindən Rusiyaya qarşı birgə hücum kimi qiymətləndirilib" - Narışkin bildirib.
XKX-nin rəhbəri bu cür mesajları ciddi qəbul etməyən məsuliyyətsiz Qərb siyasətçilərinin davranışını "təhlükəli xətt" adlandırıb və onların tezliklə Rusiya prezidentinin xəbərdarlığına münasibətini dəyişəcəklərinə ümid etdiyini bildirib.
Daha əvvəl Kreml rəsmisi Dmitri Peskov bildirib ki, hazırda Rusiyanın nüvə doktrinasına düzəlişlər hazırdır və rəsmiləşdiriləcək.