BAKI, 3 oktyabr — Sputnik. Oktyabrın 3-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Oktyabrın 3-də kimlər anadan olub?
Ələkbər Hüseynzadə (1887 - 1967) - Azərbaycan SSR əməkdar artisti və aktyordur. O,"Arşın mal alan", "Altıncı hiss", "Ögey ana" və başqa filmlərdə rol alıb.
Ələkbər Hüseynzadə
© Photo : Azerbaijan State Film Fund
Sergey Yesenin (1895 - 1925) - rusiyalı şair və yazıçıdır. O, gümüş dövrün ən böyük şəxsiyyətlərindən biridir. Yaradıcılığının müxtəlif dövrlərində onun şeirlərində sosial-demokratik ideyalar, inqilab və Vətən, el-oba və təbiət obrazları, sevgi və xoşbəxtlik axtarışları öz əksini tapıb.
Klayv Ouen (1964) - Böyük Britaniya teatr və kino aktyorudur. O, "Yaxınlıq" filminə görə BAFTA və "Qızıl Qlobus" mükafatlarının qalibi olub.
Klayv Ouen
© AP Photo / Andrew Medichini
Michele Morrone (1990) - italiyalı model, müğənni və kino aktyordur. O, "Convent Mysteries", "Medici", "Come un Delfino" və s. filmlərdə rol alıb.
3 oktyabr tarixində dünyada baş verən tarixi hadisələr
1863-cü ildə ABŞ Prezidenti Avraam Linkoln noyabrın hər dördüncü cümə axşamını Şükran Günü elan edib.
1906-cı ildə Berlində SOS siqnalı Beynəlxalq Radioteleqraf Konvensiyası tərəfindən beynəlxalq fəlakət siqnalı kimi təsdiq edilib.
1945-ci ildə Parisdə Ümumdünya Həmkarlar İttifaqları Federasiyası yaradılıb.
1952-ci ildə ABŞ-da maqnit lentində ilk video çəkiliş aparılıb.
1968-ci ildə SSRİ-də "Tu-154" magistral sərnişin təyyarəsinin ilk uçuşu baş tutub.
1990-cı ildə Almaniyanın birləşməsi baş tutub. O vaxtdan bu gün Almaniyanın Birlik Günüdür.
1993-cü ildə ümumxalq səsverməsi nəticəsində Heydər Əliyev Azərbaycan Respublikasının Prezidenti seçilib.
2020-ci ildə ikinci Qarabağ müharibəsi zamanı Azərbaycan Silahlı Qüvvələri Suqovuşanda (Madagizdə) Azərbaycan bayrağını dalğalandırıb. Həmçinin Tərtər rayonunun Talış, Cəbrayıl rayonunun Mehdili, Çaxırlı, Aşağı Maralyan, Şeybəy və Quycak, Füzuli rayonunun Aşağı Əbdürrəhmanlı kəndləri də işğaldan azad edilib.