BAKI, 2 oktyabr — Sputnik. İranın İsrailə raket hücumundan sonra Avropada qazın qiyməti üç faiz bahalaşıb.
Londonun "ICE" birjasının məlumatına görə, min kubmetr qazın noyabr fyuçerslərinin qiyməti təxminən 460,6 dollara qədər yüksəlib.
Bir müddət öncə, "Tasnim" agentliyi İran raketlərinin Aşkelon şəhəri yaxınlığındakı qaz platformalarını vurduğu barədə məlumat yayıb. Eyni zamanda, ABŞ-ın "Chevron" kompaniyası (İsrail şelfinin ən böyük payçılarından biri) İsraildəki vəziyyətlə əlaqədar ehtiyat tədbiri olaraq "Leviafan" və "Tamar" qaz platformalarının fəaliyyətini müvəqqəti dayandırdığını bildirib.