BAKI, 2 oktyabr — Sputnik. 2025-ci ildə Rusiya büdcəsinin müdafiə xərclərinin ciddi şəkildə artması dövlətin sosial öhdəliklərini yerinə yetirməkdə problem yaratmayacaq. Bundan əlavə, iqtisadi inkişafın yüksək templəri proqnozlaşdırılır.
"aif.ru" müxbiri xəbər verib ki, bunu prezidentin mətbuat katibi Dmitri Peskov oktyabrın 1-də jurnalistlərin suallarını cavablandırarkən deyib.
"Bu, diqqətlə balanslaşdırılmış, təsdiqlənmiş büdcədir. Birincisi - dövlət sosial öhdəliklərin bütün həcmini özündə saxlayır. Büdcə ölkəmiz üçün iqtisadi inkişaf tempinin kifayət qədər yüksək səviyyədə qalacağı atmosferi saxlamağa yönəlib. İkincisi: hələ parlamentdə müzakirələr başlamazdan əvvəl bəzən qiymətləndirmək daha çox hökumətin səlahiyyətindədir" - rəsmi bildirib.
Qeyd edək ki, Rusiya hökumətinin Dövlət Dumasına təqdim etdiyi Rusiyanın büdcə layihəsinə əsasən, gələn il müdafiə xərclərini 24% - 13,5 trilyon rubla qədər artırmaq təklif olunub. 2026-cı ildə bu maddə üzrə xərclərin 12,8 trilyon rubla qədər azaldılması planlaşdırılır, lakin 2027-ci ildə bir qədər artaraq 13,1 trilyon rubl olacaq.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.