BAKI, 29 sentyabr — Sputnik. Sentyabrın 29-da bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəliblər.
Bu gün, həmçinin tarixə düşən hadisələr də baş verib.
Sentyabrın 29-da kimlər anadan olub?
Cavan Zeynallı (1945) - Azərbaycanın xalq artisti, cazmen. Zeynallı Bakıda, Moskvada, Latviyada, Almaniyada və Polşada keçirilən beynəlxalq caz festivallarında iştirak edib.
Cavan Zeynallı
© Photo : Press service of Emin Agalarov
Mikelancelo Merisi da Karavadco (1571 - 1610) - italyan rəssamı, 17-ci əsr Avropa rəngkarlığının islahçısı, rəssamlıqda realizmin banisi, barokko dövrünün ən böyük ustalarından biri. O, ilk dəfə olaraq "kyaroskuro" rəngkarlıq üslubundan - işıq və kölgənin kəskin kontrastından istifadə edənlərdən biri olub. Rəssamın heç bir rəsm və ya eskizinin tapılmaması səbəbindən bu qənaətə gəlmək olar ki, o, özünün mürəkkəb kompozisiyalarını bilavasitə kətan üzərində yaradıb.
Mikelancelo əsəri Madriddə muzeydə nümayiş olunur
© AP Photo / Bernat Armangue
Enriko Fermi (1901 - 1954) - italyan və ABŞ nəzəri fizikİ, fizika üzrə Nobel mükafatı laureatı. Dünyanın ilk nüvə reaktorunun yaradılması ilə məşhur olan Fermi, nüvə fizikası, hissəciklər fizikası, kvant və statistik mexanikanın inkişafına böyük töhfələr verib. Robert Oppenhaymer və Albert Eynşteynlə birlikdə "atom bombasının atalarından" biri hesab edilir.
Enriko Fermi
© AP Photo
Nikolay Ostrovski (1904 - 1936) - Sovet yazıçısı, "Polad necə bərkidi" romanının müəllifi.
Nikolay Ostrovski
© Sputnik
Silvio Berluskoni (1936 - 2023) - İtaliyanın dövlət və siyasi xadimi, müharibədən sonrakı İtaliyada ən uzun müddət (9 il) - dörd dəfə İtaliya Nazirlər Şurasının sədri (1994-1995, 2001-2005, 2005-2006, 2008-2011) vəzifələrində çalışıb, sahibkardır.
Silvio Berluskoni
© AP Photo / Burhan Ozbilici
Alla Demidova (1936) - Sovet və Rusiya teatr və kino aktrisası, RSFSR xalq artisti. 1964-cü ildən Taqanka Dram Teatrının aparıcı aktrisası. "Qalxan və Qılınc", "Risk dərəcəsi", "Bir stəkan su", "Qırmızı çiçək" və s. filmlərdə çəkilib.
Kevin Dürant (1988) – "Finiks Sanz" NBA komandasında və ABŞ milli komandasında oynayan ABŞ peşəkar basketbolçusudur. Dünya çempionu (2010), dördqat Olimpiya çempionu. Bütün zamanların ən böyük oyunçularından biri hesab olunur.
Kevin Durant
© AP Photo / John Minchillo
Sentyabrın 29-da dünyada baş verən tarixi hadisələr
1650-ci ildə Londonda dünyanın ilk evlilik agentliyi açılıb.
1897-ci ildə ilk dəfə "tanqo" ifa edilib. Bu, Buenos Ayresdə, "Olimpo" Teatrında, "Kreol Məhkəməsi" tamaşasının premyerasında baş verib.
1907-ci ildə Sankt-Peterburqda ilk tramvay xəttə buraxılıb.
2011-ci ildən Ümumdünya Ürək Günü kimi qeyd olunur.
2019-cu ildən etibarən Beynəlxalq Ərzaq İtkisi və Tullantıları haqqında Maarifləndirmə Günü qeyd edilir. Bu tarix BMT Baş Assambleyası tərəfindən müəyyən edilib.