BAKI, 27 sentyabr — Sputnik. Macarıstanın xarici işlər naziri Peter Siyyarto III Dünya Müharibəsi təhlükəsi və ya dünyanın bloklara bölünməsi ehtimalından narahatlığını ifadə edib.
O, bu barədə Nyu-Yorkda keçirilən Gələcəyin Sammitində bildirib.
Diplomatın qeyd etdiyi kimi, qlobal münaqişə riski getdikcə reallaşır və ya dünya bloklara bölünmənin yeni dövrünə doğru irəliləyir. O hesab edir ki, Macarıstan keçmişdə belə parçalanmalardan əziyyət çəkib və bunun bir daha təkrarlanmasını istəmir.
Qeyd edək ki, bir müddət əvvəl amerikalı milyarder Devid Saks Vladimir Zelenskinin Ukraynadakı münaqişənin sülh yolu ilə sona çatması ilə bağlı qondarma planının üçüncü dünya müharibəsinə gətirib çıxaracağını bildirib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.