Tarixdə bu gün: 24 sentyabr – FOTO

Əminə Yusifqızı (1936) - Azərbaycanın xalq artisti və aktrisadır. O, Azərbaycan Dövlət Gənc Tamaşaçılar Teatrının (1958-1964) və Azərbaycan Milli Dram Teatrının (1964-1974) aktrisası olub.

Fuad Salayev (1943) - Azərbaycanın xalq rəssamı, heykəltəraş, professor və Rusiya Rəssamlıq Akademiyasının fəxri akademikidir.

Frensis Skott Fitscerald (1896-1940) - ABŞ yazıçısıdır. O, "Möhtəşəm Qetsbi" romanı, eləcə də 1920-ci illərin ABŞ "caz dövrü"nə aid bir sıra roman və hekayələri ilə məşhurlaşıb.

Con Yanq (1930-2018) – amerikalı astronavtdır. O, "İkinci astronavtlar qrupunun" üzvü və "Gemini-3"ün ikinci pilotu kimi kosmosa uçan ilk şəxs olub.

Bred Berd (1957) - ABŞ kinorejissorudur. O, "Polad nəhəng", " Super ailə ", "Ratatuy", " Super ailə 2" və digər cizgi filmləri üzərindəki işləri ilə tanınıb.

Vlad Sokolovski (1991) - rusiyalı müğənni, prodüser, rəqqas, aktyor və teleaparıcıdır. O, Alla Duxovanın "Todes" baletinin üzvü və "BiS" qrupunun keçmiş solisti olub.

1724-cü ildə Paris Fond Birjası yaradılıb.

1852-ci ildə fransız Henri Jiffar buxarla işləyən dirijablda ilk uçuşunu həyata keçirib.

1944-cü ildə ABŞ Almaniyanın müharibədən sonrakı quruluşu haqqında "Morqentau Planı"nı nəşr edib: Plana görə Almaniyada sənayenin tamamilə məhdudlaşdırılması və sırf kənd təsərrüfatı ölkəsinə çevirmək planlaşdırılırılıb.

1948-ci ildə Yaponiyanın "Honda Motor Company" korporasiyası yaradılıb.

1993-cü ildə Müstəqil Dövlətlər Birliyi (MDB) Dövlət Başçıları Şurasının iclasında Azərbaycan Respublikasının MDB-yə daxil olması barədə qərar qəbul edilib.

1999-cu ildə Londonun Beyker-strit küçəsində Şerlok Holmsun abidəsinin açılışı olub. İngilis yazıçısı Artur Konan Doyl tərəfindən yaradılmış personaj həqiqətən də detektiv janrının klassiki hesab olunur.

2008-ci ildə Bakıda dünya gənclərinin 4-cü məşğulluq Sammiti keçirilib. Onun məqsədi işsizlik problemlərinin həlli və gənclərin səmərəli məşğulluğu istiqamətində dünyada daha fəal işlər görmək olub.