BAKI, 23 sentyabr — Sputnik. Sentyabrın 23-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Sentyabrın 23-də kimlər anadan olub?
Firəngiz Əhmədova (1928–2011) - Sovet və Azərbaycan opera müğənnisi, SSRİ Xalq artistidir. O, "Nərgiz", "Şah İsmayıl", "Koroğlu" və başqa operalarda baş rolları ifa edib.
Firəngiz Əhmədova
© Photo : public domen
Romi Şnayder (1938-1982) - alman və fransız kinoaktrisasıdır. O, "Kardinal", "Hovuz" və s. filmlərdə rol alıb.
Romi Şnayder
© AP Photo / Elke Bruhn
Xulio İqlesias (1943) - musiqi tarixində ən populyar ispan müğənnisidir. O, kommersiya baxımından ən uğurlu ispandilli ifaçıdır. Onun 300 milyondan çox albomu bütün dünyada satılıb.
Xulio İqlesias
© Sputnik
23 sentyabr tarixində dünyada baş verən tarixi hadisələr
1839-cu ildə Moskvada Xilaskar Məsihin Kafedralinin əsası qoyulub.
1846-cı ildə alman astronomu İohann Qalle Günəş sisteminin səkkizinci planetini - Neptunu kəşf edib.
1873-cü ildə Sankt-Peterburqda kerosin lampaları əvəzinə dünyada ilk elektrik lampalar yaradılıb.
1913-cü ildə fransız Rolan Qarros "Morane-Saulnier H" təyyarəsi ilə Fransanın cənubundakı Frejyus şəhərindən Tunisdəki Bizzertaya Aralıq dənizi üzərindən ilk fasiləsiz uçuş edib.
1999-cu ildə Çində tapılmış ən qədim musiqi alətlərinin - yaşı 9000 olan fleytanın aşkarlanması elan edilib.
2017-ci ildən Beynəlxalq Jest Dilləri Günü qeyd edilir.