BAKI, 23 sentyabr - Sputnik. Moskva İsrail və Livan arasında mövcud eskalasiyanın genişmiqyaslı müharibəyə çevrilməsi ehtimalını çox yüksək qiymətləndirir. Bu barədə RİA Novosti-yə Rusiyanın Təl-Əvivdəki səfiri Anatoli Viktorov bildirib.
“Ehtimal çox yüksəkdir, çünki bu münaqişənin bəzi iştirakçılarının eskalasiyanın real azalmasında görünən marağı yoxdur. Mövcud problemlərin hərbi və güc yolu ilə həllinə xüsusi diqqət yetirilir. Bizim prinsipial mövqeyimiz məlumdur - regionda mövcud olan münaqişələrin güc yolu ilə həlli yolları yoxdur”, - Viktorov deyib.
Səfirin sözlərinə görə, hazırda regionda eskalasiyanın səviyyəsi çox yüksəkdir, bəlkə də son 15-20 ildə görünməmiş səviyyədədir.
“Bunu hər iki tərəfdən kütləvi raket hücumları təsdiqləyir, nəticədə hər iki tərəfdən insan tələfatı və infrastrukturun dağılması ilə nəticələnir. Münaqişəyə yeni element əlavə edilib - ötən həftə informasiya və kommunikasiya texnologiyalarından terror məqsədilə istifadəsi. Bu, mövcud vəziyyət üçün əlavə təhlükələr və nəticələr deməkdir”, - Viktorov əlavə edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.