BAKI, 22 sentyabr — Sputnik. Rusiya Xarici İşlər Nazirliyinin rəsmi nümayəndəsi Mariya Zaxarova Avropa Parlamentinin Venesuela Prezidenti Nikolas Maduronun həbsinə beynəlxalq order vermək və müxalifətçi Edmundo Qonsales Urrutianı dövlət başçısı kimi tanımaq çağırışını şərh edib.
Bu barədə o, özünün "Teleqram" kanalında qeyd edib.
"Bu bəyanatdan sonra Avropa Parlamenti "zorakılıq əlamətləri ilə və Avropa İttifaqına daxil olmayanları təqib etmək vəsvəsəsi ilə kollektiv şüursuzluğun təcəssümünə çevrilib" – Zaxarova yazıb.
Eyni zamanda, Rusiya Xarici İşlər Nazirliyinin rəsmi nümayəndəsi Avropa Parlamenti tərəfindən "Aİ-yə üzv ölkələrin məsuliyyət zonasında törədilmiş "Şimal Axını" qaz kəmərlərindəki terror hücumlarının araşdırılmasında tam laqeyd olduğunu qeyd edib.
Bundan əvvəl Rusiya Xarici İşlər Nazirliyinin rəsmi nümayəndəsi Mariya Zaxarova Avrasiya Forumunun qadınların öz hüquqlarını ifadə etməsi üçün fürsət olduğunu bildirmişdi.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.