BAKI, 20 sentyabr — Sputnik. Ukrayna Silahlı Qüvvələrin (USQ) nəzarətində olan Kursk vilayətinin ərazilərində fövqəladə vəziyyət davam edir, lakin bu vəziyyət vaxtında düzəldiləcək. Bunu Rusiya prezidentinin mətbuat katibi Dmitri Peskov jurnalistlərə bildirib.
"Ukraynalı silahlıların nəzarətində olan ərazilərdə vəziyyət, gərgin olaraq qalır, ancaq bu vəziyyət düzəldiləcək", - Peskov Kursk bölgəsinin nəzarətində olan ərazilər Ukraynadakı vəziyyətlə bağlı sualı cavablandırarkən deyib.
Peskov jurnalistlərə bildirib ki, Rusiya Silahlı Qüvvələri öz işini görür, Ukrayna Silahlı Qüvvələrinin işğal etməyə cəhd etdiyi Rusiya ərazilərinə nəzarət bərpa olunacaq, buna şübhə yoxdur.
"Bizim ordumuz öz işini görür, onlar bunu edəcəklər, nəzarət bərpa olunacaq. Təbii ki, burada hərbçilərin planlarını açmaq olmaz", - diplomat deyib.
Rusiya Silahlı Qüvvələrinin Baş Qərargah rəisi Valeri Gerasimov bildirib ki, Ukrayna Silahlı Qüvvələrinin bölmələri avqustun 6-da saat 5:30-da Kursk vilayətində əraziləri ələ keçirmək məqsədilə hücuma keçib, onların irəliləməsinin qarşısı alınıb. O, Kursk vilayətindəki əməliyyatın düşmənin məhv edilməsi və dövlət sərhədinə çıxışı ilə yekunlaşacağını vurğulayıb. Rusiya Müdafiə Nazirliyinin sentyabrın 20-də verdiyi məlumata görə, Kursk istiqamətində gedən döyüşlər zamanı düşmən 15,3 mindən çox hərbi qulluqçusunu və 124 tankını itirib.
Rusiya Prezidenti Vladimir Putin bəyan edib ki, Kiyev rejimi təxribata əl atıb və mülki hədəflər də daxil olmaqla, fərq qoymadan atəş açır. Putin bildirib ki, düşmən layiqli cavabını alacaq, Rusiyanın qarşısında duran bütün məqsədlərə nail olunacaq.
Kurskda, həmçinin Belqorod və Bryansk vilayətlərində vətəndaşların təhlükəsizliyini təmin etmək üçün antiterror əməliyyat rejimi tətbiq olunur.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.