BAKI, 19 sentyabr — Sputnik. Rusiya Qərbin dağıdıcı təsirinə müqavimət göstərmək üçün öz süni intellekt modellərini yaratmaq səylərini əhəmiyyətli dərəcədə artırmalıdır. Bunu Rusiya Xarici İşlər Nazirliyinin sözçüsü Mariya Zaxarova deyib.
"İnkişafı bizimkindən fərqli bir sosial-mədəni mühitdə ideoloji yüklü məlumat vasitəsi kjimi istifadə edilən süni intellekt modellərindən həmişə dağıdıcı təsirlərə məruz qalmaq riski ilə üzləşirik", - Zaxarova deyib.
"Belə bir ideoloji örtüyə malik İT həllərdən istifadə edərkən, biz istər-istəməz cəmiyyət olaraq mutasiyaya uğrayacağıq. Buna görə də düzgün mədəni, tarixi və mənəvi kontekstdə hazırlanmış öz süni intellekt modellərimizi yaratmaq üçün səyləri əhəmiyyətli dərəcədə artırmaq vacibdir. Ən azından özünü təmin etmək dərəcəsinə nail olmalıyıq", - Zaxarova vurğulayıb.
Eyni zamanda, Zaxarova qeyd edib ki, bu cür süni intellekt sistemlərinin davamlılığı üçün onlara qadın baxışının daxil olmasını təmin etmək lazımdır.
Sentyabrın 18-20-də Sankt-Peterburqda Federasiya Şurası və Müstəqil Dövlətlər Birliyinə üzv Dövlətlərin Parlamentlərarası Assambleyasının təşkilatçılığı ilə IV Avrasiya Qadınlar Forumu keçirilir.