BAKI, 14 sentyabr - Sputnik. Bakıda təşkil olunan "Formula 1" üzrə Azərbaycan Qran-prisində ikinci günü pilotlar üçüncü sərbəst yürüşdə mübarizə aparıblar.
Saat 12:30-da start götürən yürüşdə 10 komanda mübarizə aparıb. Yürüş iştirakçıları bir saat ərzində 6 kilometrlik trekdə dövrə vurublar.
APA-nın xəbərinə görə, "Alpin" komandasının pilotu Esteban Okonun Bakıda keçirilən "Formula 1" üzrə Azərbaycan Qran-prisində uğursuzluqla üzləşib. Üçüncü sərbəst yürüş zamanı sürücünün avtomobili trasda dayanıb. Buna onun bolidində aşkarlanan problem səbəb olub.
"Rodin Motorsport" komandasının pilotu Ritomo Miyatanın idarə etdiyi boliddə isə yanğın olub. Hadisə sprint yarışında avtomobilin səddə çırpılmasından sonra baş verib.
Daha sonra Bakıda keçirilən "Formula 2" üzrə Azərbaycan Qran-prisində sprint yarışının qalibi mükafatlandırılıb.
Birinci yeri tutan "AIX Racing" komandasından Coşua Dürksenə kuboku Gənclər və İdman Nazirliyinin şöbə müdiri Elnur Məmmədov təqdim edib. "Dams Lucas Oil"dən Jak Kravford ikinci, "Preme Racing"dən Qabriele Mini üçüncü yeri tutub.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.