Rusiya Kəşfiyyatı: ABŞ gürcü müxalifətinə etirazlara başlamaq üçün əsas vermək istəyir

BAKI, 11 sentyabr — Sputnik. Amerikalılar ATƏT/DTİHB rəhbərliyi ilə Gürcüstanla bağlı "əməkdaşlıq" barədə razılığa gəliblər. Bu barədə Rusiya Federasiyası Xarici Kəşfiyyat Xidmətinin(XKX) mətbuat xidməti məlumat yayıb.

"ABŞ-ın Demokratik Təsisatlar və İnsan Haqları Bürosu (DTİHB) rəhbərliyi ilə Gürcüstanla bağlı "əməkdaşlıq" haqqında razılığa gəlməklə Vaşinqtonun bəyənmədiyi "Gürcü Arzusu" partiyasının qalib gəlməsinin qarşısını almaq üçün ATƏT DTİHB səsvermədən 10-20 gün əvvəl ölkədə azad və ədalətli seçkilərin keçirilməsi üçün heç bir şəraitin olmadığı qənaətinə gələn aralıq hesabat dərc edəcək", - məlumatda deyilir.

Rusiya XKX-dən verilən məlumata görə, seçkinin ilk nəticələri dərc edildikdən sonra seçki prosesinin demokratiya normalarına uyğun gəlməməsi ilə bağlı rəy təqdim olunacaq.

Rusiya Xarici Kəşfiyyat Xidməti xəbər verir ki, ABŞ gürcü müxalifətinə hakimiyyəti zorla ələ keçirmək üçün etiraz aksiyalarına başlamaq üçün əsas vermək istəyir.

Məlumata görə, ABŞ Dövlət Departamenti hazırda hakim "Gürcü Arzusu" partiyasının qələbəsinin qarşısını almaq üçün oktyabrın 26-da Gürcüstanda keçiriləcək parlament seçkilərinə yeni müdaxilə alətindən istifadə etmək niyyətindədir.

"Vaşinqtonun planı göz qabağındadır və artıq təəccüblü deyil. Qərbyönlü Gürcüstan müxalifətinə ölkədə hakimiyyəti zorla ələ keçirmək niyyəti ilə kütləvi etirazlara başlamaq üçün əsas vermək lazımdır. Demokratik Təsisatlar və İnsan Haqları Bürosunun (DTİHB) Gürcüstandakı seçkilər öncəsi saxtakarlıqda iştirakı ATƏT-in bu strukturunun son olaraq ABŞ oyunlarının ruporuna çevrilməsindən xəbər verir", - məlumatda deyilir.

Digər maraqlı xəbərləri həmçinin Sputnik Azərbaycan-ın Teleqram kanalından izləyin.