BAKI, 11 sentyabr — Sputnik. "Okean-2024" təlimləri zamanı yüksək dəqiqlikli silahlardan kompleks istifadə məsələləri işlənəcək. Bunu Rusiya prezidenti Vladimir Putin bildirib.
"Okean-2024" komanda-qərargah təlimlərinin aktiv mərhələsində Putin deyib ki, yüksək dəqiqlikli silahların, eləcə də digər müasir və qabaqcıl silahların kompleks istifadəsi məsələləri işlənəcək".
Dövlət başçısının sözlərinə görə, bu məsələlər xüsusi hərbi əməliyyat zamanı əldə edilmiş təcrübə nəzərə alınmaqla işlənəcək.
Putin həmçinin qeyd edib ki, təlimlər zamanı Hərbi Dəniz Qüvvələri və Aerokosmik Qüvvələrinin komanda-nəzarət orqanlarının, birlik və birləşmələrinin döyüş hazırlığının əsas aspektlərinin ətraflı yoxlanılması, onların hərəkətlərinin ardıcıllığının müəyyənləşdirilməsi planlaşdırılır.