BAKI, 11 sentyabr — Sputnik. Özbəkistan üç il ərzində ölkənin müşahidəçi qismində çıxış etdiyi Avrasiya İqtisadi İttifaqının layihələrində daha fəal iştirak etmək istəyir. Bunu Özbəkistanın Rusiya Federasiyasındakı səfiri Botirjon Əsədov RİA Novosti-yə bildirib.
Xatırladaq ki, Özbəkistan 2020-ci ildə Aİİ-də müşahidəçi statusu alıb.
"Özbəkistan və Aİİ arasında müşahidəçi statusunda əməkdaşlığın son üç ili ərzində qarşılıqlı ticarət dövriyyəsinin həcmi sənaye məhsullarının tədarükünün artması hesabına 60% artıb. Bununla yanaşı, milli valyutalarla hesablaşmaların payı artır. Mindən çox müştərək müəssisə və layihə fəaliyyətə başlayıb, yükdaşıma həcmləri artır", - Əsədov bildirib.
"Özbəkistan və Aİİ arasında qarşılıqlı faydalı əməkdaşlığın prioritetlərinə gəlincə, bunları Özbəkistan Prezidenti Şavkat Mirziyoyev may ayında Ali Avrasiya İqtisadi Şurasının iclasında açıqlayıb", - Əsədov xatırladıb.
"Özbəkistan praktiki tərəfdaşlığın genişləndirilməsində və Aİİ-nin strateji inkişaf istiqamətləri çərçivəsində çoxtərəfli sənaye əməkdaşlığı layihələrinin həyata keçirilməsində daha fəal iştirakda maraqlıdır", - səfir qeyd edib.
Bununla əlaqədar olaraq, səfir bildirib ki, hazırda Özbəkistan hökuməti ilə Avrasiya İqtisadi Komissiyası arasında ortamüddətli dövr üçün birgə fəaliyyətin yeni kompleks planının hazırlanması tamamlanmaq üzrədir:
"Bundan əlavə, Özbəkistan Aİİ ölkələri ilə ticarətdə maneələrin və məhdudiyyətlərin qarşılıqlı aradan qaldırılması üzərində işi davam etdirməkdə, həmçinin Şimal-Cənub nəqliyyat dəhlizinin Cənubi və Cənub-Şərqi Asiya bazarlarının Yaxın Şərqə doğru inkişaf üzrə dialoqun davam etdirilməsində maraqlıdır".
Digər maraqlı xəbərləri həmçinin Sputnik Azərbaycan-ın Teleqram kanalından izləyin.