BAKI, 10 sentyabr — Sputnik. Bu gün xüsusi hərbi əməliyyat Rusiyanın məqsədlərinə çatmağın yeganə yoludur, buna görə də davam edir. Binu Rusiya prezidentinin mətbuat katibi Dmitri Peskov bildirib.
Peskov jurnalistlərə Rusiyanın enerji obyektlərinə hücumlardan imtina etməyə hazır olub-olmaması sualını cavablandırarkən deyib: "Hazırda başqa alternativlərin olmadığı bir şəraitdə xüsusi hərbi əməliyyat məqsədlərimizə çatmağın yeganə mümkün yoludur, ona görə də davam edir".
Daha əvvəl Rusiya Təhlükəsizlik Şurasının katibi Sergey Şoyqu Ukraynanın Kursk bölgəsini işğal etməzdən əvvəl Rusiya prezidenti Vladimir Putinin Türkiyənin enerji obyektlərinə, ticarət və mülki donanmalara hücumları dayandırmaq ideyasını dəstəklədiyini, lakin Ukraynanın özü belə razılaşmalardan imtina etdiyini bildirmişdi.
Ukraynada nə baş verir?
Rusiya 2022-ci il fevralın 24-də Ukraynada xüsusi hərbi əməliyyata başlayıb. Rusiya prezidenti Vladimir Putin əməliyyatın məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" adlandırıb. O qeyd edib ki, xüsusi əməliyyat məcburi tədbirdir, Rusiyanın "əksini etmək şansı qalmayıb, təhlükəsizlik riskləri elə yaradılıb ki, başqa vasitələrlə cavab vermək mümkün deyildi".
Moskva dəfələrlə danışıqlara hazır olduğunu bildirsə də, Kiyev onlara qanunvericilik səviyyəsində qadağa qoyub. Qərb Rusiyanı danışıqlara çağırır, Moskva buna hazır olduğunu göstərir, lakin eyni zamanda Qərb Kiyevin dialoqdan daim imtina etməsinə məhəl qoymur. Əvvəllər Kreml bəyan edirdi ki, hazırda Ukraynada vəziyyətin dinc istiqamətə keçməsi üçün heç bir ilkin şərt yoxdur, Rusiya üçün mütləq prioritet xüsusi əməliyyatın məqsədlərinə nail olmaqdır, hazırda bu, yalnız hərbi yolla mümkündür. Kreml bəyan edib ki, de-fakto vəziyyət və yeni reallıqlar nəzərə alınarsa, Moskvanın bütün tələbləri məqbul hesab edilərsə, Ukraynadakı vəziyyət dinc məcraya keçə bilər.