Çinin xarici işlər naziri Rusiyaya nə məqsədlə gedir?

BAKI, 9 sentyabr — Sputnik. Çinin xarici işlər naziri Van İ sentyabrın 11-12-də Sankt-Peterburqda keçiriləcək BRİKS ölkələrinin yüksək nümayəndələrinin toplantısında iştirak edəcək. Bunu Çin Xarici İşlər Nazirliyinin rəsmi nümayəndəsi Mao Nin deyib.

Diplomatın sözlərinə görə, Vanq İ Rusiya Təhlükəsizlik Şurasının katibi Sergey Şoyqunun dəvəti ilə tədbirə qatılacaq. Bu yaxınlarda Çinin xarici işlər naziri qeyd edib ki, Pekin Moskva ilə birlikdə bir-birinin əsas maraqlarını müdafiə etməyə hazır olduğunu söyləyib.

Xatırladaq ki, Çin Müdafiə Nazirliyi Çin və Rusiyanın sentyabrda Yaponiya dənizində və Oxotskda "Şimal Qarşılıqlı Fəaliyyət-2024" birgə hərbi təlimlərinin keçirəcəyini qeyd edib. Bu təlimlərin məqsədi Çin və Rusiya Silahlı Qüvvələri arasında strateji əməkdaşlığın səviyyəsini dərinləşdirmək və təhlükəsizlik təhdidlərinə birgə cavab vermək qabiliyyətini gücləndirməkdir.

Çin xarici işlər nazirinin müavini Mao Çjaosyuy ABŞ dövlət katibinin müavini Kurt Kempbellə deyib ki, Birləşmiş Ştatlar Çin və Rusiya arasında normal ticarət və iqtisadi qarşılıqlı fəaliyyətə mane olmağı dayandırmalıdır. Bunu Çin Xarici İşlər Nazirliyinin sözçüsü Mao Nin cümə günü keçirdiyi brifinqdə bildirib.

Onun sözlərinə görə, Mao Çjaosyuy və Kempbell arasında telefon danışığı olub, onlar Çin-ABŞ münasibətləri və qarşılıqlı maraq doğuran məsələlər barədə fikir mübadiləsi aparıblar.

"Çinin Ukrayna məsələsində mövqeyi obyektiv və ədalətlidir, Birləşmiş Ştatlar Çini əsassız yerə böhtan atmağı, məsuliyyətdən qaçmağı, Çin və Rusiya arasında normal ticarət və iqtisadi münasibətlərə mane olmağı dayandırmalıdır", - Mao Nin telefon danışığından sitat gətirib.

Nazir müavini həmçinin qeyd edib ki, Çin ABŞ-ın qeyri-qanuni birtərəfli sanksiyalar tətbiqinə və ekstraterritorial yurisdiksiyalardan istifadəsinə qəti şəkildə qarşıdır və Pekin Çinin fiziki və hüquqi şəxslərinin qanuni hüquq və mənafelərini qətiyyətlə qoruyacaq.