BAKI, 4 sentyabr — Sputnik. Misir prezidenti Əbdülfəttah əs-Sisinin Türkiyəyə rəsmi səfəri başlayıb.
Əs-Sisini Esenboğa hava limanında türkiyəli həmkarı Rəcəb Tayyib Ərdoğan qarşılayıb.
Prezident Rəcəb Tayyib Ərdoğan Misir Prezidenti Əbdülfəttah əs-Sisi ilə
© AP Photo / Francisco Seco
***
Sentyabrın 4-də Misir Prezidenti Əbdülfəttah əs-Sisi 12 illik fasilədən sonra Türkiyəyə ilk rəsmi səfərini edəcək.
Misirin dövlət başçısı Türkiyə-Misir Yüksək Səviyyəli Strateji Əməkdaşlıq Şurasının iclasında iştirak edəcək. Şura iki ölkə rəhbərlərinin 14 fevral 2024-cü il tarixində Qahirədə imzaladığı birgə Bəyannamənin tələblərinə əsasən yaradılıb.
Şuranın Ankarada keçiriləcək iclasında ikitərəfli əlaqələrin dərinləşdirilməsi yollarının, eləcə də regional və qlobal gündəliyin müzakirəsi planlaşdırılır.
Danışıqların yekunlarına dair bir sıra sənədlərin imzalanacağı gözlənilir.
Bundan əvvəl Ankara və Qahirə birgə ticarət dövriyyəsini ildə 10 milyard dollardan 15 milyard dollara çatdırmağa hazır olduqlarını bəyan etmişdilər.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.