BAKI, 4 sentyabr — Sputnik. ŞƏT və MDB ölkələri təhlükəsizlik və sabitlik sahəsində praktiki əməkdaşlığı inkişaf etdirmək üçün ümumi öhdəlik və təşəbbüslərini təsdiqləyirlər.
Sentyabrın 4-5-də Daşkənddə Şanxay Əməkdaşlıq Təşkilatının Regional Antiterror Strukturu və MDB-nin Terrorizm və Ekstremizmə qarşı Mübarizə üzrə Antiterror Mərkəzinin birgə konfransı keçiriləcək. Həmçinin Özbəkistan MDB ölkələrinin "Vostok-Antiterror 2024" təliminə ev sahibliyi edəcək.
"Bu mühüm beynəlxalq forumun ŞƏT və MDB kimi mötəbər regional strukturlarla birgə təşkili geniş regionumuzda sülh, təhlükəsizlik və sabitliyin təmin edilməsində praktiki əməkdaşlığın inkişaf etdirilməsi üçün ümumi öhdəlik və təşəbbüslərini bir daha təsdiqləyir", Mirziyoyevin bunu konfrans iştirakçılarına müraciətində deyib.
Özbəkistan Prezidenti təəssüflə qeyd edib ki, geosiyasi gərginliyin artması və münaqişələrin eskalasiyası, aparıcı dövlətlər arasında qarşılıqlı etimadın olmaması, qlobal təhlükəsizlik institutlarının rolunun azalması terrorizm və ekstremizm təhdidlərinə qarşı mübarizədə açıq və səmərəli beynəlxalq əməkdaşlığın inkişafına mənfi təsir göstərir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.