BAKI, 2 sentyabr — Sputnik. Rusiyaya düşmən olan ölkələr yoxdur, amma onu zəiflətmək və parçalamaq istəyən düşmən elitalar var. Bunu Rusiya prezidenti Vladimir Putin deyib.
"Bizim düşmən dillərimiz, hətta düşmən ölkələrimiz də yoxdur, bəzi ölkələrdə düşmən elitalarımız var ki, onlar Rusiya ilə yalnız indi deyil, əsrlər boyu mübarizə aparırlar, çünki onlar ölkəni zəiflətmək istəyirlər. Rusiya kimi böyük bir ölkə onları təhdid edir" - Putin bildirib.
Putin qeyd edib ki, Rusiya heç vaxt sülh danışıqlarından imtina etməyib, lakin ölkəyə daxil olan quldurlarla mübarizə aparmaq lazımdır.
"Sözdə deyil, əməldə dinc danışıqlara keçmək lazımdır. Bu məsələləri sülh yolu ilə həll etmək istəyi də olacaq, biz bundan heç vaxt imtina etməmişik. Lakin təbii ki, Rusiya Federasiyasının ərazisinə, xüsusən də Kurska daxil olub və bütövlükdə sərhəd bölgəsində sabitliyi pozmağa cəhd edən bu quldurlarla mübarizə aparmalıyıq" - Prezident deyib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.