BAKI, 30 avqust — Sputnik. Moskva Bakı ilə İrəvan arasında sülhün tezliklə bağlanacağına ümid edirik, bu, Cənubi Qafqazda davamlı sülhə doğru addımdır. Bunu Rusiya Federasiyasının Azərbaycan Respublikasındakı səfiri Mixail Yevdokimov RİA Novosti agentliyinə müsahibəsində bildirib.
"Tərəflərin rəsmi bəyanatlarına əsasən, Azərbaycan və Ermənistan arasında sülh müqaviləsi layihəsi praktiki olaraq razılaşdırılıb və bu, mümkün qədər tez imzalanmalıdır. Çünki bu, Cənubi Qafqazda davamlı sülh və firavanlığa nail olmaq yolunda mühüm addım olardı", - rusiyalı diplomat bildirib.
Onun sözlərinə görə, Bakı və İrəvan arasında sülhə dair danışıqlar Rusiya Federasiyası, Azərbaycan və Ermənistan liderləri arasında 2020-2022-ci illər üçün üçtərəfli sazişlər toplusuna uyğundur.
"Tərəflər arasında aparılan danışıqların gələcək sazişin razılaşdırılmasından başqa, Rusiya, Azərbaycan və Ermənistan liderləri arasında 2020-2022-ci illər üçün nəzərdə tutulan üçtərəfli sazişlərə uyğun olması vacibdir. Söhbət nəqliyyat kommunikasiyalarının açılmasından, sərhədin delimitasiyası və demarkasiyasından, vətəndaş cəmiyyətləri vasitəsilə əlaqənin qurulmasından gedir", - Rusiya diplomatı bildirib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.