BAKI, 28 avqust - Sputnik. Rusiyanın Təhlükəsizlik qüvvələri İnquşetiyanın Sunja şəhərində kilsədə törədilməsi planlaşdırılan terror aktının qarşısı alınıb, şübhəlilər həbs edilib.
Bu barədə RİA Novosti-yə RF İstintaq Komitəsinin (İK) mətbuat xidmətindən məlumat verilib.
Bildirilib ki, bundan əlavə Rusiya Federasiyasında qadağan olunmuş terror təşkilatlarından birinin tərəfdarları tərəfindən hazırlanan bir sıra təxribat aktlarının da qarşısı alınıb.
“Cinayətlər törətməkdə şübhəli bilinən üç yerli sakin barəsində... “terror təşkilatının fəaliyyətində iştirak” və “bir qrup şəxs tərəfindən qabaqcadan əlbir olaraq terror aktı törətməyə hazırlıq” maddələri ilə cinayət işi açılıb", - komitədən bildirilib.
İstintaq müəyyən edib ki, təqsirləndirilən şəxslər Rusiya vətəndaşları və RF-də qadağan olunmuş beynəlxalq terror təşkilatının tərəfdarlarıdırlar.
Hücum etmək niyyətində olanlar bölgədə təxribat və terror aktları hazırlayıblar.
Digər əməllərlə yanaşı arasında onlar Sunjadakı Müqəddəs Məryəmin Şəfaət Kilsəsinə hücum etmək niyyətində olublar.
“Hazırda məhkəmə müstəntiqin vəsatətini təmin edib və təqsirləndirilən şəxslər barəsində həbs-qətimkan tədbiri seçilib”, - komitənin məlumatında deyilir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.