BAKI, 25 avqust — Sputnik. ABŞ-ın artan dövlət borcu qlobal miqyasda ölkənin iqtisadi mövqeyini təhdid edir.
Bu barədə “Fox Business” yazıb.
ABŞ Maliyyə Nazirliyinin məlumatına görə görə, hazırkı dövlət borcu artıq 35 trilyon dolları keçib. Növbəti onillikdə isə bu rəqəmin rekord həddə - 54 trilyon dollara çatacağı proqnozlaşdırılıb.
Borc yükünün artmasına səbəb olan əsas amillər dövlət xərclərinin kəskin artması və dövlət borcları üzrə faiz dərəcələrinin artmasıdır ki, bu da ona xidmətin bahalaşmasına səbəb olur.
Eyni zamanda məlum olub ki, 2024-cü ilin birinci yarısının nəticələrinə görə Rusiya Federasiyası adambaşına düşən dövlət borcunun ən aşağı səviyyəsinə malik dünyanın üç ən böyük iqtisadiyyatı sırasında yer alıb.
23.05.24, 08:33
ABŞ-ın dövlət borcunun rekord həddə çatacağı proqnozlaşdırılır
ABŞ Konqresinin büdcə idarəsi ölkənin dövlət borcunun 2054-cü ilədək ümum daxili məhsulun (ÜDM) 166 faizini təşkil edəcəyini proqnozlaşdırır ki, bu da ölkə üçün rekord göstəricidir.
Bu barədə ABŞ Konqresinin büdcə idarəsinin dərc etdiyi məlumatda deyilir.
Məlumatlara əsasən ABŞ-nin dövlət borcu 2054-cü ildə ÜDM-in 166 faizini təşkil edəcək.
Qeyd olunub ki, ABŞ-nin dövlət borcu qeydə alınmış rekord göstəricilərini ötəcək və artmağa davam edəcək.
Həmçinin o da qeyd olunub ki, ABŞ-də özəl investisiyalar azalarsa və ya dövlət gəlirləri və xərcləri 30 il ərzində orta göstəricilərdə saxlanılarsa, ölkənin dövlət borcu 2054-cü ildə ÜDM-in 250 faizini də ötə bilər.
Xatırladaq ki, yanvar ayının əvvəlində ABŞ-nin dövlət borcu 34 trilyon dolları ötüb. Ötən il ölkənin dövlət borcu 4 trilyon dollardan çox artıb.