BAKI, 21 avqust — Sputnik. ABŞ Ticarət Departamentinin rəsmisi Skott Şou gələn həftə ticarət və sanksiyalarla bağlı məsələləri müzakirə etmək üçün Honq-Konq və Pekinə səfər edəcək. Bu barədə South China Morning Post mənbələrə istinadən xəbər verir.
Mənbələrə görə, Şou Honq-Konqda ticarət məsələlərini müzakirə edəcək və yerli hakimiyyət orqanlarını Rusiyaya sanksiyalardan yayınmağa kömək etməməyə çağıracaq. Qəzet qeyd edir ki, Pekində rəsmi bir sıra məsələlərdə ABŞ-ın mövqeyini hökumətə çatdıracaq.
Mənbələr bildirir ki, Şou noyabrda keçiriləcək prezident seçkiləri ərəfəsində Honq-Konqa səfər edəcək ABŞ prezidenti Co Baydenin administrasiyasında son yüksək səviyyəli ticarət rəsmisi olacaq.
May ayında ABŞ Rusiya hərbi-sənaye kompleksinə avadanlıq tədarük etdiyinə görə bir sıra Çin, Belçika və Türkiyə şirkətlərinə sanksiya tətbiq edib. İyun ayında ABŞ Xəzinədarlığı yeni anti-Rusiya sanksiyaları elan edib, bunlar müxtəlif sahələrə təsir edib. Vaşinqton Rusiya Federasiyası ərazisində istənilən şəxsə proqram təminatı və İT xidmətlərinin göstərilməsini qadağan edib. Çin, Belarus və Cənubi Afrikanın bir sıra vətəndaşları ikinci dərəcəli anti-Rusiya sanksiyalarına məruz qalıb.