"Mən "Şimal-Cənub" layihəsinin həyata keçirilməsi ilə bağlı birgə planlarımızı xüsusilə qeyd edəcəm. Bu, bizə Hind okeanının sahillərinə çatmağa və bu marşrutlardan qarşılıqlı fayda, qarşılıqlı maraqlar naminə istifadə etməyə imkan verəcək", - Putin bildirib.
"Vurğulamaq istərdim ki, Rusiya Azərbaycan-Ermənistan qarşılıqlı fəaliyyətinin normallaşmasına və Rusiya, Azərbaycan və Ermənistan liderlərinin əldə etdiyi məlum üçtərəfli razılaşmalar əsasında sülh müqaviləsinin bağlanmasına bundan sonra da hər cür töhfə verəcək. Biz həmçinin Sovet İttifaqı dövründən qalma müvafiq sənədlərimiz olduğunu nəzərə alaraq sərhədin delimitasiyası və demarkasiyasını asanlaşdırmağa hazırıq", - Putin bildirib.
"İki ölkə liderləri ikitərəfli iqtisadi əlaqələrin qurulması üçün Rusiya Federasiyasının regionları ilə Azərbaycan Respublikası arasında əməkdaşlıq üçün böyük potensialın olduğunu vurğulayıblar və Rusiya-Azərbaycan regionlararası forumlarının davam etdirilməsinin tərəfdarı olduqlarını bildiriblər", - məlumatda deyilir.