BAKI, 17 avqust — Sputnik. Region üçün təhdid və təhlükələr artır.
Bunu Türkiyənin milli müdafiə naziri Yaşar Gülər Xüsusi Təyinatlı Qoşunların ixtisas kursunun məzun günündə çıxışı zamanı deyib.
O bildirib ki, dünyanın bir sıra bölgələrində ciddi proseslər cərəyan edir: “Belə bir vəziyyətdə Türkiyə güclü olmağa məcburdur”.
Y.Gülər söyləyib ki, Türkiyə beynəlxalq təhlükəsizlik, sülh və sabitliyə ciddi töhfə verir: “Ölkəmiz regiondakı böhranların qarşısının alınması üçün qurulan diplomatiya masalarının əvəzedilməz aktorudur”.
27.11.23, 20:44
Ermənistan yaranan fürsəti lazımi səviyyədə dəyərləndirə bilmir - Yaşar Gülər
"Azərbaycan-Gürcüstan-Türkiyə arasında əlaqələr strateji əhəmiyyət kəsb edir".
Bunu Türkiyənin milli müdafiə naziri Yaşar Gülər Bakıda azərbaycanlı və gürcüstanlı həmkarları ilə görüşündə deyib.
"Münasibətlərimizi inkişaf etdirmə qərarlıyıq. Qafqazda sabitliyin olması üçün çalışırıq. Azərbaycan torpaqlarını işğaldan azad edib. Region ölkələri öz problemlərini özləri həll edə bilər. Bunu beynəlxalq ictimaiyyətə göstərmək üçün İrəvan və Bakı arasında təmasları dəstəkləyirik.
"3+2" platformasının problemlərin sülh yolu ilə həll üçün yaxşı format olduğunu düşünürük. Ermənistan yaranan fürsəti lazımi səviyyədə dəyərləndirə bilmir", - nazir bildirib.