BAKI, 16 avqust — Sputnik. Avqustun 16-da bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Avqustun 16-da kimlər anadan olub?
Bəxtiyar Vahabzadə (1925-2009) - Azərbaycanın xalq şairi, filologiya elmləri doktoru və professordur. 1959-cu ildə yazdığı "Gülüstan" tarixi poeması ona şöhrət gətirib.
Bəxtiyar Vahabzadə
© Photo : Public Domen
Şıxəli Qurbanov (1925-1967) - Azərbaycan yazıçısı, şairi və dramaturqu, filologiya elmləri doktorudur. O, Üzeyir Hacıbəyov adına Dövlət Mükafatı laureatıdır.
Şıxəli Qurbanov
© Photo : Public Domen
Pyerr Rişar (1934) - Fransa kinoaktyoru və rejissorudur. O, "Oyuncaq satıcısı", "Çətir iynəsi" və s. filmlərdə rol alıb.
Ceyms Kemeron (1954) - kanadalı kinorejissordur. O, "Titanik", "Avatar", "Terminator", "Yadplanetlilər" və s. filmlərə rejissorluq edib.
Madonna (1958) - amerikalı müğənni, rəqqasə, musiqi prodüseri, aktrisa və rejissordur. O, "Ginnesin Rekordlar Kitabı"na görə tarixin ən uğurlu kommersiya ifaçısıdır. Onun tam adı Madonna Luiz Çikkonedir.
Madonna
© AP Photo / Sean Kardon
Stiv Kerell (1962) - amerikalı aktyor, komediyaçı, prodüser və ssenaristdir. O, "Ofis" teleserialında canlandırdığı Maykl Skott roluna görə tanınır və bu rola görə "Qızıl Qlobus" mükafatına layiq görülüb. Kerell "Qüdrətli Brüs", "Balaca günəş işığı", "Qüdrətli Evan", "Gözəl oğlan" və s. filmlərdə rol alıb.
16 avqust tarixində dünyada baş verən tarixi hadisələr
1930-cu ildə Ab Ayverksin rejissorluğu ilə ABŞ-da ilk səsli rəngli cizgi filmi - "Cəfəngiyat" çəkilib.
1960-cı ildə Kipr müstəqil dövlət - Kipr Respublikası olub.
1960-cı ildə Stokholmda XI Beynəlxalq Astronavtika Konqresinin qərarı ilə Beynəlxalq Astronavtika Akademiyası yaradılıb.