BAKI, 16 avqust — Sputnik. Yer kürəsində şənbə günü axşamdan bazar gününün sonuna qədər yenidən maqnit qasırğasının olması gözlənilir. Bazar günü ən çətin gün olacaq.
Bu məlumat Kosmik Tədqiqatlar İnstitutu və Günəş-Yer Fizikası İnstitutunun Günəş Astronomiya Laboratoriyasının proqnozundan irəli gəlir.
Belə ki, 17 avqust şənbə günündən avqustun 18-nə keçən gecə maqnit qasırğası G1 səviyyəsinə çatacaq. Saat 12:00-dan sonra maqnit sahəsi zəifləməyə başlayır, lakin çox güman ki, yalnız bazar ertəsinə qədər normallaşacaq. Ancaq gələn həftə də yeni bir maqnit qasırğasının olacağı gözlənilir.
Xüsusilə həssas insanlar qarşıdakı həftə sonu baş ağrıları, bədəndə yüngül zəiflik, oynaq ağrıları, yuxusuzluq və ya əksinə, daim mürgüləmə ilə qarşılaşa bilərlər. Sağlamlıq, ürək və qan dövranı problemi olan insanlar bir az daha diqqətli olmalıdırlar.
Bu həftə meteoroloqlar artıq bizə G3 səviyyəli güclü maqnit qasırğası barədə xəbərdarlıq ediblər. Bu maqnit qasırğası avqustun 11-dən avqustun 12-nə qədər davam edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.