Almatıdakı "Ritz-Carlton" hotelində oktyabrın 3-də Mərkəzi Asiyanın anbar daşınmaz əmlakı sahəsində əsas tədbir olan "1st Central Asia Warehouse Summit/ CAWS" keçiriləcək. Tədbirin təşkilatçıları - sənaye və anbar daşınmaz əmlakı sahəsində Mərkəzi Asiyanın TOP 5 peşəkar məsləhətçisindən biri "IBC Global" konsaltinq şirkəti və daşınmaz əmlak sahəsində ən böyük beynəlxalq məsləhətçilərdən biri "Colliers Kazakhstan"şirkəti olacaq.
Tədbir Qazaxıstan Respublikası "Atameken" Milli Sahibkarlar Palatasının, "KAZAKH INVEST" Milli şirkəti" SC, "NielsenIQ Kazakhstan" şirkətinin dəstəyi ilə keçiriləcək. Baş tərəfdaş "MP Solutions", rəsmi tərəfdaşlar isə "Burunday Container Terminal", "Eastcomtrans LLP" şirkətidir.
Biznes proqramının iştirakçıları "DAS Family Office" (Sinqapur) investisiya portfelinin inkişafı üzrə tərəfdaş və strateji eksperti Rayner Maykl Prays, beynəlxalq investor və "International Digital News" media-tədqiqat agentliyinin həmtəsisçisi Adrian Henni olacaq.
"CAWS" - əlamətdar sənaye hadisəsidir və Qazaxıstan, Özbəkistan, Qırğızıstan, Tacikistan, Azərbaycan və Rusiyadan olan 300-ə yaxın iştirakçını bir araya gətirəcək.
Tədbir çərçivəsində investorlar və bank sektorunun nümayəndələri regionun kommersiya daşınmaz əmlakı, ticarət və logistika sahəsində inkişafı üçün investisiya cəlbediciliyini qiymətləndirəcəklər. "CAWS" qonaqlarına ətraflı makroiqtisadi kəsik və gələcək illər üçün proqnoz təqdim olunacaq. Çıxış edənlər regionda inkişafın xüsusiyyətləri, bazar oyunçularının qarşısında duran əsas vəzifələri və yeni investisiya imkanları barədə danışacaqlar.
İştirakı təsdiqləyiblər: "Golden Bridge", "Wildberries", "Eurasian Development Bank" (Avrasiya İnkişaf Bankı), Qırğızıstan Respublikasının İqtisadiyyat və Ticarət Nazirliyi, "Poçta Rossii", "Sturgeon Capital", "Ghelamco Group", Rusiya İxrac Mərkəzi, "Radius Group", "Focus Logistics", "Apple City", "Orient Logistics", "Alkanov Group", "İstkomtrans".
Ətraflı məlumat və iştirak şərtləri ilə tədbirin internet saytında tanış olmaq olar: https://caws.asia
Material kommersiya şərtləri əsasında dərc olunub