BAKI, 13 avqust — Sputnik. Xüsusi hərbi əməliyyatın keçirilməsi zərurəti ilə bağlı vəziyyətə baxmayaraq, Fələstində baş verən hadisələr Rusiyadan da yan keçmir. Bunu Rusiya prezidenti Vladimir Putin bildirib.
"Hörmətli cənab Prezident, əziz dostlar, sizi Moskvada səmimiyyətlə salamlayıram, biz iki ildir ki, bir-birimizi görmürük, baxmayaraq ki, biz daim əlaqə saxlayırıq və mən sizi görməyə çox məmnunəm", - Putin Fələstin lideri Mahmud Abbasla danışıqların əvvəlində deyib.
Rusiya lideri sözlərinə belə davam edib:
"Hamı yaxşı bilir ki, Rusiya bu gün öz maraqlarını müdafiə etməli, öz xalqını əlində silah müdafiə etməlidir, lakin Yaxın Şərqdə baş verənlər, Fələstində baş verənlər, şübhəsiz ki, bizim tərəfimizdən də yan keçmir".
Rusiya prezidenti bildirib ki, Fələstində baş verən humanitar fəlakəti ağrı və narahatlıqla izləyirlər.
O qeyd edib ki, Fələstin xalqını dəstəkləmək üçün hər şeyi edirlər:
"Bilirsiniz, biz fələstinlilərə və Fələstin xalqına dəstək olmaq üçün müxtəlif növ 700 tona yaxın yük göndərmişik", - Putin bildirib.
O, əlavə edib ki, ilk növbədə mülki əhali arasında itkilərdən narahatdırlar.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.